OKTOBER Maand

[Boere Staatsman]

OKTOBERMAAND - C. LOUIS LEIPOLDT

Dit is die maand Oktober! Die mooiste, mooiste maand!
Dan is die dag so helder, so groen is elke aand,
so blou en sonder wolke die hemel heerlik bo,
so blomtuin vol van kleure die asvaal ou Karoo,
so blomtuin vol van kleure die asvaal ou Karoo.

Dit is die maand Oktober! Die varkblom is in bloei;
oor al die seekoeigate is kafferskuil gegroei;
die koppies, kort gelede nog as 'n klip so kaal,
het nou vir welkomsgroetnis hul mooiste voor gehaal;
het nou vir welkomsgroetnis hul mooiste voor gehaal.

Dit is die maand Oktober! Die akkerboom is groen;
die bloekoms langs die paaie is almal nuut geboen;
en orals in die tuin rond ruik jy sering en roos,
jasmyn en katjiepiering, lemoen en appelkoos,
jasmyn en katjiepiering, lemoen en appelkoos.

Dit is die maand Oktober! Ek dink die mense vier
vir ewig in die hemel Oktobermaand soos hier!
Wat wens jy meer as blomme, as helder dag en nag?
Wat kan jy beter, mooier of heerliker verwag?
Wat kan jy beter, mooier of heerliker verwag?

Wat gee ek om die winter? Wat praat jy nou van Mei?
Wat skeel dit as ons later weer donker dae kry?
Ek is nou in Oktober, die mooiste, mooiste maand,
met elke dag so helder, so pragtig elke aand!
Met elke dag so helder, so pragtig elke aand!

[Arend]

Ek het dit nou vir my vrou voorgelees. So mooi soos net 'n Leipold dit kon stel.

Wat hy egter vergeet het is die donderweer wat so welkom dreun.

[Boere Staatsman]

Ons volks gedigte moet weer hulle regmatige plek in ons volks lewe begin inneem en veral onder ons jeug.

[maudjennifer]

Hi.
Ken iemand die verse van Gee my Suid Afrika en Muskiete jag.
Die skole leer die kinders geen afrikaanse verse of afrikaanse
liedjies nie. Die skool waar my kleinkinders gaan was 'n afrikaanse skool maar nou is dit net engels.Wat gaan aan ek het
met albei tale groot geword en die akrikaans is vir my die mooiste taal.