Michelle Mans
8 Feb 2007, 07:35
Vrou en kinders aangeval
Feb 08 2007
http://www.news24.com/Die_Volksblad/Streek/0,,5-1220_2065787,00.html
DRIE tieners en ’n vrou is in Welkom se Sentraalpark deur twee jeugdiges aangeval. Die kleinste van die boewe was met ’n panga gewapen en die ander met ’n mes.
Die ma van twee van die kinders (sy verkies om anoniem te bly) sê as sy nie haar dogter (18) weggestamp het nie, kon haar kind moontlik ernstige beserings opgedoen het.
Al wat die twee kalante buitgemaak het, is die motorsleutels. ’n Handsak en selfone is ongedeerd gelaat.
Die vrou se 14-jarige seun het die twee aanvallers agterna gesit en die een met ’n glasbottel oor die kop geslaan. Sy ma se benoude gille het die seun in sy spore gestuit.
Die vrou, haar twee kinders en ’n vriendin (14) gaan elke Saterdag of Sondag Sentraalpark toe om ’n bietjie uit die huis te kom. Hulle koop gewoonlik koeldrank of roomys. Dié Sondag omstreeks 20:30 het hulle op die gras gesit en speletjies speel.
“Kort nadat my seun (14) iets in die motor gaan haal het, het die twee menere na ons toe aangestap gekom.
“Toe my seun vra wat hulle wil hê, het die kleintjie, ons skat hom so tien jaar oud, ’n panga uitgepluk. Die wapen was amper net so groot soos hy. Sy maat, ek skat hom so 15 of 16, het ’n mes uitgepluk.
“Toe die kleintjie die panga in die rigting van my dogter swaai, het ek haar net betyds weggepluk. Hy kon haar kop afgekap het.”
Die vrou sê die ouer seun het net die motorsleutels gebuit en die twee het weggehardloop. “My seun het ’n bottel gegryp en hulle agterna gesit.
“Gelukkig het hy tot besinning gekom. Die sleutels, met my rybewys aan, kan vervang word. Ek is net bly my kind is ongedeerd.”
Die vrou het dadelik die polisie gebel. In ’n stadium was daar ses polisievoertuie wat die omgewing gepatrolleer het. Die twee booswigte was egter skoonveld.
“Ons ly nog erg aan skok en die kinders sal beslis vir berading moet gaan.”
Die oudste meisie was die volgende dag by die skool te bang om alleen kleedkamers toe te gaan. “Wanneer ek my oë toemaak, sien ek net die panga.”
Sy sê dit was die ergste skok wat sy nog beleef het. “Ek was heeltemal verstar.”
Die vrou sê dit is nou byna ’n jaar dat hulle elke naweek die park besoek. “Ons sal dit nooit weer doen nie. Ek het nie besef dit kan so gevaarlik wees nie.”
Sy het reeds nuwe sleutels vir haar voertuig bestel. Wat haar egter bekommer is dat haar rybewys ’n duidelike foto van haar op het.
Feb 08 2007
http://www.news24.com/Die_Volksblad/Streek/0,,5-1220_2065787,00.html
DRIE tieners en ’n vrou is in Welkom se Sentraalpark deur twee jeugdiges aangeval. Die kleinste van die boewe was met ’n panga gewapen en die ander met ’n mes.
Die ma van twee van die kinders (sy verkies om anoniem te bly) sê as sy nie haar dogter (18) weggestamp het nie, kon haar kind moontlik ernstige beserings opgedoen het.
Al wat die twee kalante buitgemaak het, is die motorsleutels. ’n Handsak en selfone is ongedeerd gelaat.
Die vrou se 14-jarige seun het die twee aanvallers agterna gesit en die een met ’n glasbottel oor die kop geslaan. Sy ma se benoude gille het die seun in sy spore gestuit.
Die vrou, haar twee kinders en ’n vriendin (14) gaan elke Saterdag of Sondag Sentraalpark toe om ’n bietjie uit die huis te kom. Hulle koop gewoonlik koeldrank of roomys. Dié Sondag omstreeks 20:30 het hulle op die gras gesit en speletjies speel.
“Kort nadat my seun (14) iets in die motor gaan haal het, het die twee menere na ons toe aangestap gekom.
“Toe my seun vra wat hulle wil hê, het die kleintjie, ons skat hom so tien jaar oud, ’n panga uitgepluk. Die wapen was amper net so groot soos hy. Sy maat, ek skat hom so 15 of 16, het ’n mes uitgepluk.
“Toe die kleintjie die panga in die rigting van my dogter swaai, het ek haar net betyds weggepluk. Hy kon haar kop afgekap het.”
Die vrou sê die ouer seun het net die motorsleutels gebuit en die twee het weggehardloop. “My seun het ’n bottel gegryp en hulle agterna gesit.
“Gelukkig het hy tot besinning gekom. Die sleutels, met my rybewys aan, kan vervang word. Ek is net bly my kind is ongedeerd.”
Die vrou het dadelik die polisie gebel. In ’n stadium was daar ses polisievoertuie wat die omgewing gepatrolleer het. Die twee booswigte was egter skoonveld.
“Ons ly nog erg aan skok en die kinders sal beslis vir berading moet gaan.”
Die oudste meisie was die volgende dag by die skool te bang om alleen kleedkamers toe te gaan. “Wanneer ek my oë toemaak, sien ek net die panga.”
Sy sê dit was die ergste skok wat sy nog beleef het. “Ek was heeltemal verstar.”
Die vrou sê dit is nou byna ’n jaar dat hulle elke naweek die park besoek. “Ons sal dit nooit weer doen nie. Ek het nie besef dit kan so gevaarlik wees nie.”
Sy het reeds nuwe sleutels vir haar voertuig bestel. Wat haar egter bekommer is dat haar rybewys ’n duidelike foto van haar op het.